Posts etiquetados ‘Xustiza’

Recientes »

A operación

Sábado, 17 de Maio, 2008

Os feitos semellan estarlle dando a razón a Cacharro: foi a operación Muralla, da que este domingo van dous anos, un acto propagandístico con escaso contido? Ou iso, ou hai máis merda da que sabemos e o xuíz (ou xuíza, que non o teño moi claro) está desbordado.

Por certo, Izaguirre, o promotor dese operativo que puxo a Lugo nos principais informativos nacionais, segue polo mesmo camiño na Audiencia Provincial de Álava. Hai uns meses denunciou a un ex concelleiro do PP en Vitoria por presunta prevaricación urbanística. Xenio e figura.

Tags: ,
Caregoría: Deputación, Partido Popular, Xeral | 35 Comentarios »

Resucita Coherpu

Mércores, 23 de Abril, 2008

Quen non recorda en Lugo o caso Coherpu, o daquela construtora que, coa súa creba, deixou paralizadas unha morea de obras do Concello en rúas céntricas da cidade (na foto, Bispo Aguirre)? Despois, a Audiencia Provincial fallou (a comezos deste século) que fora unha creba fraudulenta.

Obras de Coherpu

Aquilo orixinara un auto de creba que ten o número 204/93 nos xulgados de Lugo. É dicir, hai quince anos do caso. Pero o curioso é que segue vivo. Hoxe, na páxina 16 de El Progreso sae un edito do xulgado de instrución número dous de Lugo no que se anuncia unha xunta xeral de acredores para facer a graduación de créditos. Non me estrañaría que algún dos acredores xa morrera mentres agardaba a cobrar. Que cousas!

A débeda recoñecida anda polos 400.000 euros. Segundo unha sentencia de 2004, os acredores recoñecidos son 16.

O edito de hoxe asínao, por certo, un xuíz ao que xa citei aquí, polo seu carácter blogueiro e, polo que vexo agora, tremendamente crítico co actual goberno. Lean o que di sobre Carme Chacón, por exemplo.

Tags: ,
Caregoría: Xeral | 25 Comentarios »

Recientes »