O día dos 31.600 pacientes
Luns, 6 de Maio, 2013
A SITUACIÓN ACTUAL de Lugo pódese resumir en cifras: 1.500, 29.379 ou 31.600. Os 31.600 son os que aseguraban estar en paro cando o INE fixo a última EPA (enquisa de poboación activa), Os 29.379 son os lucenses que figuraban inscritos nas oficinas de emprego a finais de marzo: os datos máis recentes, os de abril, non serán divulgados ata este luns. E 1.500 son as persoas que acudiron, segundo o cálculo xornalístico, ás manifestacións que percorreron o centro da capital lucense o Primeiro de Maio. Por suposto, as cifras provinciais son menos impactantes que as nacionais: 6.202.700 (parados, segundo a EPA) é un número como para recitar nunha salmodia [...]