Posts etiquetados ‘Vicepresidencia’

Unhas aclaracións

Luns, 1 de Decembro, 2008

De cando en vez, convén facer repaso a algún tema que quedou pendente ou responder a algún comentario.

Por exemplo, a aivai e Fanjul Segundo voulles ter que recordar que os seus tochos non hai quen os lea, á parte de que non sei que teñen que ver co tema.

A X. M. Becerra (un pracer verte por aquí) aclárolle que tamén Lugo asinou a súa entrada no Consorcio de Servizos Sociais, e xa ves a que ten montada. No caso de Pedrafita, o tema é a residencia de anciáns, que o Concello foi facendo a poucos, collendo subvencionciñas duns e doutros e que está a piques de rematar.

No da Uned, esquecinme doutro nome coñecido no claustro, Ángela Galván, a xuíza que se fixo famosa en Lugo polo seu cruce de cartas con Francisco Cacharro a conta daquilo que se chamou Operación Muralla.

Ah, e no das pintadas, atopei unha mellor: uns versos de Apollinaire nun muro da Tinería, preto da Ruanova. Que bonito é o amor!

Pedrafita, como Lugo

Venres, 21 de Novembro, 2008

Tanto falar da polémica sobre a non-entrada de Lugo no Consorcio Galego de Servizos de Igualdade e Benestar da consellería VIB (Vicepresidencia da Igualdade e do Benestar) e resulta que na provincia hai outro caso semellante, un concello que tampouco está de acordo coa idea de que o departamento de Anxo Quintana se faga cargo da xestión dun centro social, neste caso unha residencia para a terceira idade, construída con fondos do Concello. Trátase de Pedrafita do Cebreiro. O seu alcalde, por certo, tamén é socialista.