Posts etiquetados ‘leite’

O pan e o leite

Mércores, 12 de Setembro, 2012

Nestes primeiros días despois das vacacións descubrín outras cousiñas do comercio lugués, que me quedaron no tinteiro no artigo do domingo.

  • Unha é que algún establecemento hostaleiro de Lugo empeza a recortar no pan que dan aos comensais, e iso que este produto non é dos afectados pola suba do Ive.
  • A outra é que Carrefour volveu a cambiar o subministrador do seu leite de marca branca. E, como ocorreu hai tres anos, o prexudicado foi Lactalis e o beneficiado, o grupo Leite Río, aínda que desta volta vía Leyma. Será unha nova guerra comercial, unha desas pelexas polos prezos entre dúas grandes marcas, unha de distribución e outra láctea? Hai tres anos, por certo, pasado un tempo a empresa con fábrica en Vilalba volveu a quedar co contrato, polo menos en Lugo… Descoñezo se o leite Carrefour que se vende fóra de Galicia ten a mesma procedencia.

E, por certo, nestas vacacións descubrín unha estraña alianza: o leite ecolóxico de Puleva está fabricado en Vilalba, na planta de Lactalis, segundo se deduce do seu rexistro sanitario. Curiosos compañeiros de cama.

Cambios

Luns, 5 de Xaneiro, 2009

Hai pequenos cambios que pasan inadvertidos. O leite marca Carrefour xa non é de Lactalis de Vilalba, como levaba a ser dende hai case dez anos, senón de Leite Río. O cambio foi cousa de hai pouco, de cando, precisamente, Xesús Lence, comezou a ser o branco das iras dos sindicalistas agrarios.