Galego nacional

María López Muradás (Foto: PSOE)Vexo a Zapatero “garantindo” no Congreso o uso do galego e outras linguas autonómicas na Administración central. O bloqueiro Jorquera denunciara que o Goberno deturpa os topónimos, algo que é máis que evidente nalgúns casos. Por exemplo, este mércores chegou ás redaccións dos medios de comunicacións galegos un email coa nova composición da comisión executiva do PSOE europeo. No listado só aparece unha galega, a secretaria de Movementos Sociais e Xuventude; chámase María López Muradás e o seu lugar e data de nacemento, segundo a nota de prensa, son “Irijo (Ourense), 1 de junio de 1961″ (a cita é textual).

Pero se iso de Irijo soa mal, tampouco queda atrás un anuncio que saíu o día 5 no BOE e este xoves publicábase, previo envío da Demarcación de Estradas do Estado en Galicia, na edición impresa de El Progreso. Trátase da posta a exposición pública do estudo informativo da autovía Ponferrada-Ourense, que vai pasar, segundo os textos oficiais, por concellos ourensáns como La Vega, Rubiana e Villamartín. En contraste, tamén pasa por Ourense. Será que os do ministerio unicamente galeguizan as capitais?

Afeitos dende hai anos aos topónimos galeguizados, estes nomes soan realmente raros. Onde quedarán eses pobos?

Tags:

Comenta

*