O congreso

Foi prender a tele e ver a López Orozco e Sánchez Bugallo, o seu homólogo de Santiago, aplaudindo no congreso do PSOE. Era de agardar, tratándose dun informativo dun medio galego. Do congreso falouse este venres na rolda de prensa da xunta de goberno da Deputación. Os xornalistas preguntamos se o presidente, Gómez Besteiro, estaba no congreso, e Antonio Gato dixo que non, porque ten que estar en Candaoso este domingo, onde van facelo Monteiro Maior desta rapa das bestas. Curiosamente, nas imaxes da tele sobre o congreso víase pasando por diante das cámaras ao alcalde de Viveiro, Melchor Roel. Será que non irá á rapa? Ou será que non quedará ao congreso ata o fin?

Hai moito interese nalgúns ámbitos por saber que vai pasar coa representación galega no cónclave socialista. Un lugués, Ricardo Varela, secretario de Organización do PSdeG, é membro da mesa; ou sexa, é un dos cinco que están en primeira fila. Nalgún sitio lin que igual consegue praza na nova executiva. Outro nome lugués que soa é, precisamente, o do ausente Gómez Besteiro. Haberá que agardar ata o domingo.

Tags:

Comenta

*